URIMI I REKTORIT ARTAN DËRMAKU PËR FESTËN E FITËR BAJRAMIT

Të nderuar studentë, staf akademik dhe administrativ të Universitetit Publik “Kadri Zeka”, të nderuar qytetarë,

Me rastin e festës së Fitër Bajramit, ju përcjell urimet më të përzemërta për ju dhe familjet tuaja. Kjo ditë e shënuar, e cila vjen pas muajit të shenjtë të Ramazanit, simbolizon sakrificën, përkushtimin dhe solidaritetin.

Le të shërbejë kjo festë si një mundësi për të reflektuar mbi vlerat më të mira njerëzore, për të forcuar lidhjet ndërmjet nesh dhe për të ndihmuar ata që kanë më së shumti nevojë.

Uroj që në familjet tuaja të mbizotërojnë gëzimi, paqja, harmonia, shëndeti dhe begatia.

Urime Fitër Bajramin!

Me respekt,

Prof. Asoc. Dr. Artan Dërmaku

Rektor i Universitetit Publik “Kadri Zeka”