Divizioni për Shkencë, Zhvillim Akademik dhe Cilësi

Divizioni për Shkencë, Zhvillim Akademik dhe Cilësi funksionon në kuadër të administratës qendrore të Universitetit “Kadri Zeka” Gjilan dhe ka për qëllim mbështetjen, koordinimin dhe zhvillimin e proceseve akademike, kërkimore dhe të sigurisë së cilësisë në institucion. Divizioni shërben si pikë lidhëse ndërmjet njësive akademike, organeve drejtuese dhe strukturave të jashtme relevante në fushën e arsimit të lartë dhe kërkimeve shkencore.

Detyrat dhe përgjegjësitë kryesore

• *  Përfaqësimi institucional: Merr pjesë në takime, komisione dhe organizime zyrtare brenda dhe jashtë Universitetit, duke përfaqësuar Zyrën për Shkencë, Zhvillim Akademik dhe Cilësi.

• *  Udhëheqja e rrjetit të koordinatorëve akademikë: Koordinon dhe udhëheq rrjetin e koordinatorëve për zhvillimin akademik në fakultete.

• *  Monitorimi i trendeve ndërkombëtare: Përcjell zhvillimet dhe trendet ndërkombëtare në arsimin e lartë dhe kërkimin shkencor dhe i transmeton ato te strukturat përkatëse të UKZ-së.

• *  Mbështetje në akreditim: Koordinon proceset e akreditimit institucional dhe të programeve të studimit, duke ofruar udhëzime, mbështetje në hartimin e dokumenteve të nevojshme dhe monitorim të progresit në zbatimin e rekomandimeve.

• *  Koordinimi ndërinstitucional: Siguron bashkëpunim të vazhdueshëm të Zyrës me Senatin e UKZ-së, Këshillin Drejtues, njësitë akademike, institutet, këshillat dhe grupet punuese për çështje të kërkimit shkencor dhe zhvillimin akademik.

• *  Planifikimi dhe mbikëqyrja e punës: Në bashkëpunim me Prorektorin për Mësim dhe Kërkime Shkencore, harton planin e punës së Zyrës dhe mbikëqyr realizimin e tij.

• *  Promovimi i Procesit të Bolonjës: Punon në përputhje me standardet e Procesit të Bolonjës, në koordinim me menaxhmentin e UKZ-së dhe akterët e tjerë relevantë.

• *  Detyra tjera: Kryen edhe detyra të caktuara nga udhëheqësi i divizionit, sipas nevojës institucionale.