Rektori Bajram Kosumi priti në një takim kryetarin e Bashkësisë Islame në Gjilan

Rektori i Universitetit “Kadri Zeka” në Gjilan, Bajram Kosumi, ka pritur në një takim kryetarin e Bashkësisë Islame, Sylejman Osmani dhe Agim Hysenin, sekretar në BI. Me këtë rast kryetari Osmani ka uruar rektorin Kosumi  për marrjen e obligimeve në drejtimin e  institucionit të dijes. Ai tha se  resursi kryesor dhe vital për shoqerin tonë janë  studentët të cilët njëherësh janë edhe e ardhmja jonë, andaj nën udhëheqjen tuaj rektor i Universitetit “Kadri Zeka” do të realizohet vizioni i MASHT për cilësi në arsim. Rektori Bajram Kosumi ka falënderuar kryetarin e BI, Sylejman Osmani për vizitën  dhe ka përgëzuar kreun fetarë për rendin dhe rregullin që po mbizotëron nëpër xhamitë e Gjilanit. Ai tha se Bashkësia Islame ka një rol të veçantë edukues, të cilin duhet shfrytëzuar mirë edhe në aspektin fetar, por edhe në atë kombëtar.