BIRN Kosova mbajti trajnim për studentët e UKZ-së mbi etikën e gazetarisë dhe pasojat ligjore të raportimit të pasaktë

Rrjeti Ballkanik për Gazetari Hulumtuese BIRN Kosova, përmes skemës së mbështetjes nga Luksemburgu për shoqërinë civile në Kosovë, mbajti një trajnim për studentët e Fakultetit Juridik të  Universitetit Publik “Kadri  Zeka” në Gjilan , me temën “Përmirësimi i Standardeve të Gazetarisë Hulumtuese përmes Përvojave të Përbashkëta”. Nga ky trajnim studentët përfituan njohuri të dobishme mbi etikën e gazetarisë dhe pasojat ligjore të raportimit të pasaktë. Po ashtu, studentët në këtë trajnim u njoftuan edhe me “Krypometrin”, platformë kjo që e ka aplikuar “Kallxo.com”, e cila merret me monitorimin, verifikimin e më pas publikimin e gënjeshtrës së akterëve llogaridhënës. Në fund të këtij trajnimi studentët pjesëmarrës u pajisën edhe me certifikata për kontributin e dhënë në këtë aktivitet nga BIRN Kosova dhe partnerët e tjerë mbështetës të këtij trajnimi.