Universiteti Publik “Kadri Zeka” do të nderojë Bernd Ulrich Nestle me titullin “Doctor Honoris Causa”

Universiteti Publik “Kadri Zeka” në Gjilan do të nderojë z. Bernd Ulrich Nestle, me titullin e lartë akademik “Doctor Honoris Causa”.

Ky vlerësim i jepet për kontributin e tij të jashtëzakonshëm në zhvillimin e sistemit shëndetësor dhe në mbështetjen e pacientëve në Republikën e Kosovës, si dhe për përkushtimin ndaj zhvillimit arsimor dhe forcimit të bashkëpunimit ndërinstitucional ndërmjet Kosovës dhe Gjermanisë.

Ceremonia solemne do të mbahet më 7 prill 2026, në ora 11:00, në Universitetin Publik “Kadri Zeka” në Gjilan, në amfiteatrin A34.

Pjesëmarrja Juaj në këtë ngjarje të rëndësishme akademike dhe institucionale do të ishte një nder i veçantë për universitetin tonë.

Ju mirëpresim!