Universiteti Publik “Kadri Zeka” partner në Konferencën e Katërt Shkencore të Alumni për Gjuhësi, Letërsi, Didaktikë dhe Komunikim të organizuar nga Kolegji AAB

Më 1 nëntor 2025, në Prishtinë, u mbajt Konferenca e Katërt Shkencore e Alumni për Gjuhësi, Letërsi, Didaktikë dhe Komunikim, e cila u organizua në bashkëpunim me Universitetin Publik “Kadri Zeka” në Gjilan dhe institucione të tjera akademike vendore e ndërkombëtare.

Në konferencë morën pjesë shumë studentë alumni të UKZ-së, të cilët prezantuan punimet e tyre shkencore që trajtonin tema bashkëkohore në fushat e gjuhësisë, letërsisë, didaktikës dhe komunikimit.

Gjatë punimeve të konferencës, u shkëmbyen ide dhe përvoja të vlefshme mes studiuesve, pedagogëve dhe profesionistëve të rinj, me synimin për të nxitur bashkëpunimin akademik dhe për të forcuar lidhjen ndërmjet universiteteve dhe alumnive.

Universiteti Publik “Kadri Zeka” vlerëson se pjesëmarrja në këtë konferencë është dëshmi e rritjes së ndikimit të tij akademik dhe e përkushtimit për të mbështetur hulumtimin shkencor dhe zhvillimin profesional të ish-studentëve të tij.

https://aab-edu.net/wp-content/uploads/2025/11/Book-of-abstracts-Alumni-2025.pdf