Marrëveshje Bashkëpunimi ndërmjet Universitetit Publik “Kadri Zeka” dhe Kompanisë Interplast

Universiteti Publik “Kadri Zeka” dhe Kompania “Interplast”,  kanë nënshkruar një marrëveshje bashkëpunimi për të fuqizuar mundësitë e punësimit dhe aftësimin praktik të studentëve. Kjo marrëveshje synon të krijojë mundësi për studentët e Fakultetit Ekonomik, Fakultetit Juridik dhe Fakultetit të Shkencave Kompjuterike në UKZ, për t’u aftësuar dhe punësuar në kompaninë Interplast, e cila do të sigurojë mundësi praktike në fushën përkatëse.

Marrëveshja e nënshkruar midis UKZ dhe Interplast ka për qëllim promovimin e zhvillimit të aftësive praktike dhe përgatitjen e studentëve për tregun e punës, duke krijuar mundësi të rëndësishme për punësim dhe zhvillim profesional në industrinë përkatëse.