U mbajt provimi pranues për studimet Master për vitin akademik 2024-2025

Universiteti Publik “Kadri Zeka” në Gjilan ka mbajtur provimin pranues për studentët e rinj, në vitin e parë të studimeve Master në vitin akademik 2024-2025.

Universiteti Publik “Kadri Zeka” në Gjilan, në vitin e parë të studimeve MASTER, për vitin akademik 2024/2025, do të regjistrojë 110 studentë të rregullt në programet: Mësimdhënie në Gjuhë dhe Letërsi Shqipe, Mësimdhënie dhe Kurrikula në Arsimin Fillor, Sistemet e Kontrollit dhe Inteligjenca Artificiale, si dhe në programin E-Qeverisja.

Shpallja e rezultateve preliminare të provimit pranues do të bëhet, më së voni, deri më 29.10.2024 në ueb-faqen e universitetit.

Kandidatët të cilët nuk janë pranuar mund të paraqesin ankesë në shërbimin përkatës  të studentëve, 48 orë nga shpallja e rezultateve preliminare.

Ankesat bëhen më së voni deri më datë 30.10.2024, në ora 16:00

Rezultatet përfundimtare pas ankesave do të publikohen më 01.11.2024.

Regjistrimi/Fotografimi i studentëve të pranuar do të bëhet sipas këtij orari në zyrën e TI-së:

Fakulteti i Edukimit,

• Mësimdhënie në Gjuhë dhe Letërsi Shqipe më date 04.11.2024
• Mësimdhënie dhe Kurrikula në Arsimin Fillor më datë 04.11.2024

Fakulteti i Shkencave Kompjuterike,

• Sistemet e kontrollit dhe inteligjenca artificiale më date 05.11.2024
• E-Qeverisja më datë 05.11.2024

Orari për Fotografim/Regjistrim bëhet  në Zyrën e TI-së, nga ora 09:30-11:30 dhe nga ora 13:00- 15:00 .

Studentët me vete duhet të kenë letërnjoftimin.

Për informata më të hollësishme, kandidatët mund t’u drejtohen shërbimit të studentëve të Masterit ose ta vizitojnë faqen zyrtare uni-gjilan.net