Njoftim për bursa nga DAAD

Bursat DAAD

Institucionet e Arsimit të Lartë në Gjermani kanë një gamë të gjerë të ofertave për studime dhe hulumtime. Gjithsej ekzistojnë më shumë se 16 000 programe studimore për të u zgjedhur.

Studentët mund të gjejnë programe studimore, të përshtatshme për interesat e tyre.
Për hulumtuesit shkencor dhe shkencëtarët, Gjermania ofron mundësinë e përfshirjes së tyre në kërkime apo hulumtime të thella.

Në mënyrë që të diplomuarit dhe PostDocs e talentuar të mos heqin dorë nga studimet për shkak të mungesës së mjeteve financiare, Gjermania ofron një program gjithëpërfshirës të bursave me mbështetje të veçantë për studentët dhe hulumtuesit ndërkombëtarë.

Nëse dëshironi të keni një pasqyrë për ofertat të cilat i mbështetë DAAD si edhe mbështetjen e organizatave të tjera në lidhje me qëndrimin studimor në Gjermani ju drejtojmë në faqën www.funding-guide.de. Këtu gjeni informacione lidhur me mundësitë mbështetëse të Shërbimit Gjerman për Shkëmbim Akademik- DAAD, si dhe nga organizatat tjera të përzgjedhura për studentët e huaj, të diplomuarit dhe PostDocs.

Afati i fundit për aplikim për programin Master të të gjitha drejtimeve shkencore është deri më 15 nëntor 2017. Varësisht nga drejtimi, variojnë dhe afatet per dorëzim.

Nëse keni pyetje, mund t’i drejtoheni zyrës ndërlidhëse të DAAD-së: [email protected]