Urimi i rektorit Bajram Kosumi për 14 vjetorin e Pavarësisë së Kosovës

Rektor i Universitetit Publik “Kadri Zeka” në Gjilan, Prof. Dr. Bajram Kosumi, uron studentët, stafin akademik dhe administrativ të Universitetit dhe të gjithë qytetarët e Kosovë për 14 Vjetorin e Pavarësisë së Kosovës.

Shpallja e Pavarësisë së Kosovës, më 17 shkurt 2008, ishte kurorëzim i një rrugëtimi te gjatë me plotë sakrifica dhe mund, i një populli të tërë, të cilët nuk kursyen as jetën për ta çliruar vendin.

Rektori Kosumi vlerëson se, përvjetorët e Pavarësisë së Kosovës paraqesin edhe momente frymëzimi dhe reflektimi të përpjekjeve njëshekullore të popullit shqiptar të Kosovës, për liri dhe shtet.

Në këtë ditë të shënuar,  përkulemi për të gjithë ata të cilët luftuan dhe flijuan veten e tyre për lirinë dhe pavarësinë e vendit tonë.

Gëzuar 14-vjetorin e Pavarësisë së Kosovës!

Prof. Dr. Bajram Kosumi

Rektori i UKZ-së