UKZ DHE ICK NËNSHKRUAJNË MARRËVESHJE BASHËKPUNIMI

Universiteti Publik “Kadri Zeka” në Gjilan dhe Innovation Centre Kosovo (ICK), në Prishtinë, kanë  nënshkruar Marrëveshje Bashkëpunimi.

Prof. Dr. Bajram Kosumi, Rektor i UKZ-së dhe Uranik Begu, Drejtor Ekzekutiv Innovation Centre Kosovo (ICK), kanë vlerësuar mjaftë të rëndësishme nënshkrimin e marrëveshjes në fjalë.

Marrëveshja ka për qëllim bashkëpunimin në mes të ICK dhe Fakultetit Ekonomik (FE) dhe Fakultetit të Shkencave Kompjuterike (FShK) të UKZ , duke synuar zhvillimin e inovacionit dhe ndërmarrësisë në Republikën e Kosovës.

Marrëveshja synon ofrimin e ndihmës për studentët e fakultetit në fushën e ndërmarrësisë, inovacionit dhe aftësimit profesional në fushën e teknologjisë së informacionit dhe komunikimit.

Marrëveshja po ashtu ka për qëllim ofrimin e ndihmës akademike, logjistike dhe profesionale nga ana e Fakultetit Ekonomik dhe Fakultetit të Shkencave Kompjuterike për të gjithë të rinjtë pjesëmarrës në programin e inkubimit, trajnimit dhe ngjarjeve në Innovation Centre Kosovo (ICK).

Pjesë e kësaj marrëveshjeje është edhe zotimi i përbashkët për pjesëmarrje/aplikim në thirrjet e hapura vendore dhe ndërkombëtare, në fushën e shkencës, Teknologjisë së Informacionit dhe Komunikimit, Hulumtim & Zhvillim, Inovacion dhe Ndërmarrësi, ndërlidhjen e studentëve me tregun e punës; hulumtime shkencore dhe zhvillim, etj.

Para nënshkrimit të marrëveshjes mes Universitetit Publik “Kadri Zeka” në Gjilan dhe Innovation Centre Kosovo, Uranik Begu, Drejtor Ekzekutiv i ICK, ka mbajtur një ligjëratë para studentëve të UKZ-së, rreth ndërmarrësisë, teknologjisë dhe inovacionit.