Rektori i UKZ-së priti në takim Komandantin e KFOR-it nga LMT në Gjilan

Rektori i Universitetit Publik “Kadri Zeka” në Gjilan Prof. Asoc. Dr. Artan Dërmaku ka pritur në takim Major Arda GorkenYatagan Komandant i  Ekipit Monitorues i Mbikëqyrjes ( LMT ) i KFOR-it Turk në Gjilan

Në këtë takim  Rektori Dërmaku i ka informuar përfaqësuesit e KFOR-it turk për organizimin, punën dhe funksionimin e universitetit. Ndërkohë gjatë takimit Rektori Prof. Asoc. Dr. Artan Dërmaku e ka njoftuar Major Arda GorkenYatagan Komandant i  Ekipit Monitorues i Mbikëqyrjes ( LMT ) i KFOR-it Turk  për Rajonin e Gjilanit, se Universiteti  Publik  “Kadri Zeka”,  që  nga themelimi i  tij e deri më  tani përpos marrëveshjeve tjera,  ka nënshkruar marrëveshje bashkëpunimi edhe me Universitete të  Turqisë, duke shtuar se UKZ është e  hapur edhe për bashkëpunime të  tjera në  fusha të  ndryshme.

Major Arda GorkenYatagan ka falënderuar Rektorin Dërmaku për pritjen, derisa ka premtuar vazhdimin e bashkëpunimit. Nga ana e tij Rektori Dërmaku e ka falënderuar komandantin Major Arda GorkenYatagan për viziten dhe gatishmërinë që KFOR ka për të ndihmuar UKZ-në dhe për  mbështetjen e madhe që KFOR ka në ruajtjen e sigurisë  në Kosovë.