Rektori Dërmaku ju uron 8 Marsin punëtoreve të universitetit

Me rastin e 8 Marsit – Ditës Ndërkombëtare të Gruas, Rektori i Universitetit Publik “Kadri Zeka” në Gjilan, Prof. Asoc. Dr. Artan Dërmaku, ka organizuar një takim simbolik me punëtoret e UKZ-së.

Me këtë rast Rektori ka shprehur mirënjohjen dhe vlerësimin për kontributin e tyre të çmuar në jetën akademike dhe administrative të Universitetit.

Në këtë takim simbolik, Rektori Dërmaku ka theksuar rëndësinë e rolit të gruas në arsim dhe shoqëri, duke theksuar përkushtimin e Universitetit Publik “Kadri Zeka” për barazinë dhe mbështetjen e vazhdueshme për gratë në ambientin akademik. Rektori i ka falënderuar ato për punën dhe angazhimin e jashtëzakonshëm, duke u dhënë lule për festë, ku ka thënë se asnjëherë nuk duhet lënë në harresë kontributi i çmueshëm dhe sakrifica e femrës në ndërtimin e shtetit të Kosovës.

Rektori Prof. Asoc. Dr. Artan Dërmaku, duke shprehur respektin për rolin dhe kontributin e femrave edhe për sukseset që lidhen me Universitetin, ka uruar ato për shëndet, mirëqenie dhe lumturi në jetë.