Në UKZ u mbajt ligjëratë për menaxhimin e stresit dhe informacionet e rrejshme

Qendra për Zhvillim të Karrierës dhe Alumni në Universitetin Publik “Kadri Zeka” në Gjilan ka organizuar një ligjëratë për studentët. Psikologu klinik Besnik Sherifi gjatë ligjëratës së tij me temën: “Menaxhimi i stresit dhe identifikimi i informacioneve të rrejshme”, ka ndarë njohuritë dhe përvojën e tij me studentët, duke u ofruar atyre teknikat e nevojshme për menaxhimin e stresit dhe përballimin e informacioneve të rrejshme që shpërndahen nëpër media dhe rrjete sociale.

Tema e ligjëratës, “Menaxhimi i stresit dhe identifikimi i informacioneve të rrejshme”, ishte shumë e rëndësishme, pasi stresi i përditshëm dhe përhapja e dezinformatave janë shqetësime të mëdha për shoqërinë moderne. Gjatë ligjëratës, psikologu Besnik Sherifi ndau strategji për të menaxhuar situatat stresuese dhe gjithashtu theksoi rëndësinë e njohjes dhe shmangies së informacionit të rrejshëm që mund të ndikojë negativisht në jetën e individëve.

Pjesëmarrësit patën mundësinë të bëjnë pyetje dhe të diskutojnë me psikologun, duke pasur kështu mundësinë për të marrë këshilla të vlefshme për përmirësimin e shëndetit mendor dhe arsimimin e tyre në lidhje me informacionin që konsumojnë.